Pages

الأربعاء، 25 أبريل 2012

مبقتش بستناك




















مبقتش تانى بستناك , مبقتش بغرق فى الدموع
مش عاوزة اتوه فى الدنيا تانى معاك
مين اللى يرضى بغربته وقدامه سكة رجوع ؟
مبقتش بغرق فى الدموع ع اللى سبنى وراح
مبقاش فى قلبى اى مكان للدموع أو للجراح
مش عاوزة تانى أشوفك فى الحقيقة أو فى الخيال
لو قدرت تبعد ابعد , رجوعى ليك نوع من المحال
مبقتش محتاجة لك , مبقتش خلاص بخاف
مبقتش اخاف لا من الزمن ولا من آلام ولا من دموع وآهات
مبقتش أخاف لا من البشر ولا من الطريق ولا من الجراح
انتهى المشوار وانتهيت من حياتى ونسيت خلاص الذكريات
هبدأ حياتى من جديد وكأنى عمرى ما عشتها
هبدأ حياتى من جديد ..... حياة مليانة بالأفراح
مهما كانت جراحى ... مسيرها تاخد وقتها
مهما كانت عيونى بتبكى ... مسيره يخلص دمعها
مش كل حب بينتهى .... بتقف بعده الحياة
مش كل حد بنعرفه بيسيب فى قلوبنا صداه
مش كل حبيب بيبعد ..... بسيب لنا ذكراه
الجرح صعب فى أوله والليل دايما طويل
بس أوعدك هنساك أوام ... والنهار لازم يبان

هناك 4 تعليقات:

Emtiaz Zourob يقول...

حلوة كثير يا اسماء .. وحزينة في نفس الوقت ..
:::
مبقتش تانى بستناك , مبقتش بغرق فى الدموع

مش عاوزة اتوه فى الدنيا تانى معاك

مين اللى يرضى بغربته وقدامه سكة رجوع ؟
:::

استمتعت بالقراءة كثيرا

الجوكر يقول...

الفراق مؤلم

والغدر اكثر ايلاماً

فهو يترك جرح لايندمل مهما طال الزمن

...

اسماء

حرفكِ هنا مختلف

فهو رائع رغم الألم الذى يسكنه


لقلبك السعادة

safa7_karmooz يقول...

حلوة اوى ...مع انها حزينة

nesma hatem يقول...

الجرح صعب فى أوله والليل دايما طويل
بس أوعدك هنساك أوام ... والنهار لازم يبان

:) جمييلة