أحمد مكي - قطر الحياة

أغنية جميلة وبحبها اوى وحبيت أنكم كمان تشوفها 

فى كل لفة عقرب ساعة عمرى بيتسرسب بيعدى
الناس و الدنيا بتتغيرحتى الحديد بيصدى
وانا الوحيد واقف مكانى ثابت فى ناس اختارت سكة صابت
ناس تانية اختارت سكة خابت
احساس قاسـى وصعب لما الناس تشوفك فاشل
ابوك وامك واخواتك واصحابك شايفينك عاطـل
قوم يابنى اسعـى وحاول والله غلبت احـاول
ياما حاولت وقبل الجون ما ييجى يطلع فـاول
معنديش مهارة وحتى كوسة وحوستى حوسة ودوست بعد اخر البنزين بدوسة
فى كل مقابلة شغلانة يتقلى لف نفسك بشهادتك مدد بجنب اى حيط وخدلك بوسة
رجعت فلاش باك حسبت سنين عمرى تلاتين سنة لقيت
حسبت تانى وتالت واتخضيت
ببص فى المراية كام شعراية بيضة لقيت
وابويا هو اللى لسه بيصرف ع البيت
بتعامل من عيلتى على انى عالة
وحالتى حالة ثقتى بنفسى راحت النجاح بقى استحالة
نفسى اهرب من نفسى و من حالتى ومن عيلتى ومن الدنيا
نفسى القى دنيا تانية اهرب بيها لو حتى ثانية
وفى يوم قلهالى صاحبى واللى يدلك على الطريق
ميفيدش الصاحب غير صاحبه اسمع من الصديق
قالى فى قعدة ضرب حلوة بليل عاملنها
سألته هاش ضحك قالى بيسة قولتله لدمنها
قالى متخفش مش ممكن تدمن من اول شكة
اقنعنى بليل فعلا شكيتلى اول شكة
مفصلى ساحت وارتاحت وروحى راحت
بكلم نفسى من جوه برغى من بره ساكت
همومى شبه تاهت والرؤية باهت فى باهت
كل مشكلة كانت عندى فى الدنيا ماتت وتاهت
عدت ساعات فى ثانية لقيت الصحبة قايمة
دخلت بيتى وش الفجر عيلتى كانت نايمة
دفنت نفسى تحت الباطنية جسمى متلج
نمت فى اقل من ثانية نومة واحد متبنج
قطر الحياة بيعدى بسرعة سنة فى سنة فى سنة
وانا زى ما انا من لما كان عندى سنة
هى هى الحياة هو هو انا انا
زهقت طهقت من الحياة تقدر تقول مليت أنا
ادينى فوقت رجعت تانى للواقع والعكننة
عدى النهار بطىء كأنه كام شهر وسنة
نفسى النهار يعدى بسرعة واضرب تانى
ارجع ملك زمانى بعيد عن العالم اللى رمانى
خلونى اضرب معاهم كل يوم وبتعزم
خلاص دخلت السكة والطريق بيترسم
فجأنى صحبى فى يوم قلهالى فى وشى خف تعوم
اجيب فلوس منين ليا وليك نضرب كل يوم
شخشخ جيبك يا من اعدتنا دى تكون محروم
من النهارده مفيش ضرب ببلاش مفهوم مفهوم
روحت وتانى يوم فى ميعاد الضرب جسمى اتكهرب
كرابيك فى ضهرى ومنخيرى سايلة وبتسرب
عاوز اضرب منين اجيب فلوس منين اجيب فلوس
بدأت استلف من كل اللى اعرفه وادوس
وحتى خواتى خت منهم ياما فلوس دروس
كله كرهنى وبيهرب منى التعن نفوس
خمسين جنيه فى خمسين فى مية فى مية
بسرق يوماتى فلوس من البيت وكلو شك فيا
نزلت بعت كل حاجة جتلى فى يوم هدية
خلصت فلوسى لحد ما فى يوم جتلى فكرة هـى ؟ هى ؟
دهب امى موبيل اختى لاب توب اخويا
سرقتهم نزلت اهرب من البيت وقفنى ابويا
حاول يمنعنى مسكنى من ايدى جامد زقيته
اتخبط فى الحيط و بصلى ازاى ابنه واذيته
خد منى كل حاجة وتربس الباب غضـب
ساعتها طلبت اغرب حاجة ممكن تتطلب
عاوز فلوس حالا يا اما هرتكب جريمة
اتهمنى بالجنون وادانى كام شتيمة
بيبان كل الاوض بتتفتح عيلتى بتتفرج
لسه بيستوعبه يمكن ده جد يمكن بيهرج
سحبت بنت اختى تلت سنين ناحية شباك
هاتو الفلوس لارميها فجأة زاد الارتباك
امى بكيت بحرقة ادامى فوقت لثوانى
رمتلى فلوس وبصوت عالى مشوفش وشك تانى
امشى ملكش ام يا ابغض من شيطانى
خدت الفلوس وجريت عارف مش راجع بيتى تانى
قطر الحياة بيعدى بسرعة سنة فى سنة فى سنة
وانا زى ما انا من لما كان عندى سنة
هى هى الحياة هو هو انا انا
زهقت طهقت من الحياة تقدر تقول مليت أنا
خسرت كل اهلى وصحابى بقيت وحيد
ومنين هجيب فلوس لازم القى طريق جديد
فجأة افتكرت جـار من سنى ساكن لوحده طول عمره
ابوه فى اعارة بره مصر وشهرى فلوس يبعتله
شديته زى ما اتشديت انا لنفس الطريق
لقيت مصدر فلوس جديد وبيت ولقيت صديق
نضرب سوا بفلوسه وفى بيته ملناش ظهور
شقى سنين ابوه خلص خلص فى اربع شهور
وفى ليلة بنضرب جاتله مكالمة مصدقهاش
ابوه عرف ان ابنه بيسرق واتنقل انعاش
كل عصب فى جسمى اتوتر زودت الجرعة اكتر
الجرعة المعتادة خلاص مبقتش تأثر
شريط حياتى بيتعرض ادامى اخبار فى اخبار
ضربت سم فى عروقى زودت اكتر واكتر
نفسى افنى واخلص من الدنيا زى المية اتبخر
كمان زودت سم جسمى كلو اتلون اصفر
صاحبى اتفزع قام واتسرع مالك اصفر ليه يا جدع
جسمك عرقان وبتترعش زى اللى من الحية اتلدع
رغم انى غرقان فى العرق جسمى متلج موجوع وجع
من خضتى جيت اصلب طولى جسمى ع الارض اترزع
جسمى رافض يكون له امر منى القوة اتهدت
والدنيا بتضلم تدريجى واحدة واحدة اسودت
اخر لقطة فى حياتى شوفتها كانت مأساة
صحبى مرعوب وبيراقب فراقى للحياة
قطر الحياة بيعدى بسرعة سنة فى سنة فى سنة
وانا زى ما انا من لما كان عندى سنة
هى هى الحياة هو هو انا انا
زهقت طهقت من الحياة تقدر تقول مليت أنا

مبقتش بستناك

مبقتش تانى بستناك , مبقتش بغرق فى الدموع

مش عاوزة اتوه فى الدنيا تانى معاك

مين اللى يرضى بغربته وقدامه سكة رجوع ؟

مبقتش بغرق فى الدموع ع اللى سبنى وراح

مبقاش فى قلبى اى مكان للدموع أو للجراح

مش عاوزة تانى أشوفك فى الحقيقة أو فى الخيال

لو قدرت تبعد ابعد , رجوعى ليك نوع من المحال

مبقتش محتاجة لك , مبقتش خلاص بخاف

مبقتش اخاف لا من الزمن ولا من آلام ولا من دموع وآهات

مبقتش أخاف لا من البشر ولا من الطريق ولا من الجراح

انتهى المشوار وانتهيت من حياتى ونسيت خلاص الذكريات

هبدأ حياتى من جديد وكأنى عمرى ما عشتها

هبدأ حياتى من جديد ..... حياة مليانة بالأفراح

مهما كانت جراحى ... مسيرها تاخد وقتها

مهما كانت عيونى بتبكى ... مسيره يخلص دمعها

مش كل حب بينتهى .... بتقف بعده الحياة

مش كل حد بنعرفه بيسيب فى قلوبنا صداه

مش كل حبيب بيبعد ..... بسيب لنا ذكراه

الجرح صعب فى أوله والليل دايما طويل

بس أوعدك هنساك أوام ... والنهار لازم يبان

وحشتونى

وحشتووووووووونى والمدونة وحشتنى جداً جداً جدا ً جداً ووحشتنى الكتابة فيها ووحشنى كل أصحابى المدونين وغير المدونين , إن شاء الله هشترى لاب توب  قريب علشان ادون براحتى واتكلم معاكم وأعرف أخباركم