Pages

الخميس، 20 ديسمبر، 2012

مين اللى بيختار



هلأ أنا عرفت مين اللي بيختار    
مرسوم و مكتوب بالعالي المسار 
 هلأ أنا عرفت ما عدت هالبنت  
اليوم كبرت وصرت وحدي اللي بختار

 ما فيكن تحبسو الطير بقفص من حديد  
وسع السما الغيم سهول وياخدها لبعيد

أنا بدى طير .. ماحدا بيلغى جناحاتى
.
صوت العصافير غني الحلم بغنياتي 
 ما حدا بيقدر يمحيني ..
القوة الي فيي راح تحميني  ...
أنت إيماني الكبير حب و عهد جديـــــــد

 لو ضيعوني راح امشي المشوار  
لو جرموني .....
لو عذبوني  .....
 بحبسن حبسوني راح كفي المشوار

 هلأ انا عرفت مين اللي بيختار  
مرسوم و مكتوب .. بالعالي المسار
 هلأ أنا عرفت ما عدت هالبنت 
اليوم كبرت وصرت وحدي اللي بختار
 

راح كــفــي المــشـــــــوار

الأحد، 18 نوفمبر، 2012

يارب صبرهم

 


صباح الخير يا امى .. صباحك ورد يا ابنى


 انا غسلت وشى واخدت سندوتشى وعلى مدرستى هجرى..

براحة يا ضنايا على مهلك لسا بدرى ..

 بدرى من عمرك يا امى انتى عايزة الاتوبيس يفوتنى..

 لا يا حبيبى متخافش اه بقولك يا ريت بعد المدرسة متتأخرش ..

عارف يا امى عارف هساعد ابويا منستش ..

 بس لو اتاخرت متزغليش منى اكيد هيكون غصب عنى ..

 فى رعاية الله يا قلب امك ويا رب يجعل دعايا من حدك ..

 شكايو شكايو سوقنا مفيش ...........

تووووووووووووووووووووووووت

 تووووووووووووووووووووووووت

قطر كبير مش صغنطوط

تووووووووت جى على احلامك افوووووووووووووت

جى اموت ملايكة لسا ملهمش ذنووووووووووووب

جى ادى احلامكم الصغيرة بالشلووووووووووت

امى ابويا هتوحشونى مدمعوش عشان فرقتونى

 انا شايفكم بتعيطوا بس لو عرفتوا انا فين دلوقتى هتزغرطوا


 مستنيكوا تاخدوا بايدى واعديكوا وتعدونى وموعدنا فى جنة خلد لو صبرتم وعند  احتسبتونى


 ام عبد الرحمن .. اللهم صبر قلوباهاليهم يا رب


بقلم الصديقة / أسماء دياب












الأحد، 30 سبتمبر، 2012

من أنا ؟؟


أنا لست شخصية مهمة ولكنى لنفسى الأهم 

لست بعالمة ولا مخترعة  ولا مكتشفة قارات

أنا مجرد عجوز  فى مجتمع طفولى 

أنا عجوز  فى العقد الثانى من العذاب

أنا نبات متسلق فى بلدة بلا جدران

وجذور ممتدة فى أراضى قاحلة​

أنا قلب ينبض تحت الثرى 

وعقل سجين لجسد عاجز

أتمنى لو أكسر قيودى نفسى 

أتمنى لو أرحل عنها بعيداً

أتمنى لو أموت للأبد

أتمنى ألا أبعث من جديد​

أتمنى لو لم أولد من الأساس​

أتمنى وأتمنى وأتمنى ​

وهيهات لو تحققت أى من هذه الأمنيات​

الأربعاء، 5 سبتمبر، 2012

عايشة على الهامش

مابين ماضى وبين حاضر 
معاك أنا عايشة على الهامش
ومستقبل بعيد ... سافر
وقلبى من الحنين حيران 
وصبرى طال على الآخر
نفسه نرجع الزمان
وأحلام نفسها تقابله 
وتاخده بسرعة بالأحضان
يفوق القلب من وهمه
ويرجع بالحنين ندمان
آه من جراحك يا زمن
وآهين على عمرى كمان
صحيح أناعايشة بتنفس
وليا فى الدنيا مكان   
    لكن,,,,
ما بين بكرة وبين بعده 
ما بين قلبك وبين وعده
ما بين عمرى وبين عمرك
سنين عدت على الهامش 
جراح مرت ومش عارفة
تعود إزاى لعنوانها
خلاص القلب فاض منها
ورجعت تانى للهامش
وعمرى ضاع مع ليلك
يهون العمر ويعدى
ويفضل قلبى يناديلك
حبيبى يا سبب سعدى  
وهفضل برضو مع جرحك
وأعيش وياك على الهامش



الثلاثاء، 4 سبتمبر، 2012

فى بيتنا صانع حياة


الموضوع مش عنى ولا شعر ولا كلام فى الحب 
انا حبيت اشارككم معايا فرحتى ومدى فخرى بمحمد اخويا وبكل زمايله 
 عملوا حاجة كان نفسى اعملها من زمان , بس للأسف الوقت كان ضدى 
 اشتركوا فى جمعية صناع الحياة 
أنا مبسوطة اوى لأنه هو مبسوط بمساعدته للناس الفقيرة 
 وهو وأصحابه كانوا بيوزعوا هدوم على الناس الغلابة 
كمان بيعملوا مجموعات لمحو الأمية
وبيلفوا على البيوت عشان يقنعوا الناس بأهمية التعليم
جميل أن الإنسان يكون له هدف وأنه يحققه وكمان يساعد الناس أنهم يحققوا اهدافهم 
أنا كتبت البوست دا عشان وعدته انى هشجعه هو أصحابه المشاركين معاه فى الجمعية 
وإن شاء الله هنضم ليهم قريب
I am very proud of you, my bro.....

الثلاثاء، 31 يوليو، 2012

حزب مصر القوية



لعمل توكيل للحزب 

1. أطبع التوكيل ( المرفق ) و استكمل البيانات المطلوبة فيه http://tiny.cc/u0t0gw

2. توجه الي اقرب شهر عقاري واطلب عمل توكيل خاص بالحزب ( لمعرفة أقرب شهر عقاري إتصل ب 140 )

3. اتبع الإجراءات داخل الشهر العقاري مثل « دفع رسوم/ توقعات ختم التوكيل »
4. قبل مغادرة الشهر العقاري تأكد من :
1)استلامك اصل التوكيل
2) استلامك إيصال دفع الرسوم
3)التوكيل مستكمل جميع البيانات بشكل واضح وعلية ختم الجمهورية وختم فرع الشهر العقاري وتوقيع الموظف

5. سلم التوكيل لمنسق المحافظة( اتصل ب16112) ومعه المرفقات التالية :
1) اصل التوكيل الخاص بك
2) صورة البطاقة مدون عليها الهاتف ولأميل والهاتف الأرضي ان وجد
3) أقرار الاشتراك في احزاب أخرىhttp://tiny.cc/i3t0gw

. رسوم التوكيل 10 جنيهات فقط لاغير

الشهر العقاري فاتح لحد 2 ظهر وفي مكاتب فاتحة لحد 5 مساء

اذا كنت خارج مصر ممكن عمل توكيل: 

من خلال السفارة او القنصليه المصرية في البلد الذي تقيم فيه

توكيل حزب مصر القوية

ولمزيد من المعلومات اتصل ب16112 

لارسال الاراء والاقترحات masr.elkawya@gmail.com

صورة التوكيل : 
صورة الاقرار





قصيدة عشت غريباً للبابا شنودة



غريباً عشت فى الدنيا نزيلاً مثل آبائى

غريباً فى أساليبى وأفكارى وأهوائى

غريباً لم أجد سمعاً أفرغ فيه آرائى

يحار الناس فى ألفى ولا يدرون ما بائى

يموج القوم فى مرج وفى صخب وضوضاء

وأقبع هاهنا وحدى بقلبى الوادع النائى

غريباً لم أجد بيتاً ولا ركناً لإيوائى


آخر قصيدة كتبها البابا شنودة قبل وفاته

السبت، 21 يوليو، 2012

اعتذار رسمى

بقالى فترة ماكنتش بكتب أى موضوعات على المدونة (تقريبا سنة ونص) المهم انى رجعت وكتبت تانى
كتبت تقريبا أكتر من 5 موضوعات ومحدش معبرنى خالص 
حتى بوست رمضان كريم, توقعت انى ألاقى حد يقولى كل سنة وأنتى طيبة 
محدش سأل فيا خالص ):
ماكنتش لاقية ولا تعليق , واحبطت جدا جدا جدا وقربت اكره نفسى 
واصدق أخويا الرذل لما بيقولى هو انتى فاكرة ان حد بيقرا الكلام دا ولا ان حد بيحبك  اصلا فوقى بقى واعمل حاجة مفيدة وبلاش تضيعى فى وقتك
والله كنت خلاص هصدقه , وتردد السؤال فى عقلى
هو محدش بيعلق عندى خالص ليه ؟
واخيراً جالى هاتف من السما وافتكرت أن من سنة تقريبا واحد رذل دخل المدونة وكتب تعليق مش كويس
ولأنى فى الوقت دا ماكنتش بكتب أى موضوعات جديدة استسهلت أنى اقفل التعليقات على  المدونة 
بس الحمد لله دلوقتى رجعتها 
 يعنى أصحابى مانسيونيش ولا حاجة (:
سامحونى على سوء ظنى بيكم وبنفسى 
أسماء

الأحد، 15 يوليو، 2012

ذكرى الحبيب


وتمضى السنين تجر السنين
وتسحب فى أذيالها عمرى 
ويبقى فى القلب ذكرى الحبيب
 معى  لترافقنى بقبرى
ويلهث ربيعى يعاود النهوض
ليلاقى الخريف فى قلبى
يجاهد وحيداً يريد البقاء
فتأبى عودته الحياة للأبدِ
وتمضى السنين تجر السنين
وتسحب فى أذيالها عمرى 
ويبقى فى القلب ذكرى الحبيب
 معى  لترافقنى بقبرى




الخميس، 12 يوليو، 2012

مسلمي بورما بين ماضى زاهر وحاضر مؤلم

كنا نستمع كثيرًا إلى أساتذتنا وعلمائنا -حفظهم الله ورعاهم ورحم من تُوفي منهم- وهم يدعون بالنصر للمسلمين وحفظ دمائهم في كل بقعة من بقاع الأرض، وبخاصة في فلسطين وأفغانستان وبورما وكشمير وأذربيجان... وغيرها الكثير والكثير من دول العالم الإسلامي وأقاليمه التي تتعرض من حين لآخر للإبادة والتطهير العرقي البغيض.

وفي خضم الأحداث المتسارعة في شتى بقاع المعمورة، تُطعن أمة الإسلام مرة أخرى في جزء من أجزائها المسلوبة، وفي بقعة من بقاعها المنسية. ومن بين هذه الأحداث تلك المأساة التي تعيشها ولاية أراكان الإسلامية الروهنجية إحدى أقاليم بورما (ميانمار) التي يمثل المسلمون فيها نسبة 70%, وتبلغ مساحتها20 ألف ميل مربع, ويبلغ عدد سكانها 4 ملايين نسمة. ويطل الإقليم على خليج البنغال من الغرب، وتحدها بنجلاديش من الشمال الغربي. وهي محتلة منذ عام 1947م في حكم ميانمار (بورما)، وعاصمة الإقليم هي إكياب, واللغة الرسمية هي (الروهنجيا والعربية).
ولو عدنا بالتاريخ لوجدنا أن الإسلام قد دخل بورما عن طريق أراكان في القرن الأول الهجري، بواسطة التجار العرب، وعلى رأسهم الصحابي الجليل سعد بن أبي وقاص بن مالك رضي الله عنه، ومجموعة من التابعين وأتباعهم. حيث كان العرب يمارسون مهنة التجارة، ولأجلها يسافرون إلى أقاصي البلاد ودانيها. وفي يوم من الأيام انكسرت سفينتهم أثناء سفرهم للتجارة في وسط خليج البنغال على مقربة من ساحل أراكان، فاضطروا إلى اللجوء إلى جزيرة رحمبري بأراكان، وبعد ذلك توطنوا في أراكان، وتزوجوا من بنات السكان المحليين.
وحيث إنهم وعوا قوله صلى الله عليه وسلم: «بلغوا عني ولو آية»، وقوله: «فليبلغ الشاهد الغائب»، فبدءوا بممارسة الأعمال الدعوية بين السكان المحليين بالحكمة والموعظة الحسنة، ومن ثَمّ بدأ السكان المحليون يدخلون في دين الله أفواجًا. ثم تردد عليها الدعاة من مختلف مناطق العالم، وازداد عدد المسلمين يومًا فيومًا، إلى أن استطاع المسلمون تأسيس دولة إسلامية في أراكان منذ عام 1430م، بيد سليمان شاه. واستمرت الحكومة الإسلامية فيها أكثر من ثلاثة قرون ونصف إلى أن هجم عليها البوذيون عام 1784م.
وهكذا انتشر الإسلام في جميع مناطق بورما حتى بلغ عدد المسلمين حاليًّا عشرة ملايين مسلم، من بين مجموع سكانها البالغ خمسين مليون نسمة؛ أي 20% من إجمالي عدد سكان بورما، أربعة ملايين منهم في أراكان، والبقية منتشرون في جميع المناطق. أما في أراكان وحدها فتبلغ نسبة المسلمين 70%، منهم حوالي أكثر من مليوني مسلم من الشعب الروهنجيا يعيشون حياة المنفى والهجرة في مختلف دول العالم.
وكانت بورما منذ سيطرتها على أراكان المسلمة عام 1784م تحاول القضاء على المسلمين، ولكنها فقدت سلطاتها بيد الاستعمار البريطاني عام 1824م، وبعد مرور أكثر من مائة سنة تحت سيطرة الاستعمار نالت بورما الحكم الذاتي عام 1938م. وأول أمر قامت به بورما بعد الحكم الذاتي هو قتل وتشريد المسلمين في جميع مناطق بورما حتى في العاصمة رانجون، واضطر أكثر من 500.000 خمسمائة ألف مسلم إلى مغادرة بورما.
-وفي عام 1942م قام البوذيون بمساعدة السلطة الداخلية بتنفيذ حملة قتل ودمار شامل على المسلمين في جنوب أراكان، حيث استشهد حوالي مائة ألف مسلم. ومنذ أن حصلت بورما على استقلالها من بريطانيا عام 1948م شرعت في تنفيذ خطتها لبرمنة جميع الشعوب والأقليات التي تعيش في بورما.
وفعلاً نجحت في تطبيق خطتها خلال عدة سنوات، لكنها فشلت تمامًا تجاه المسلمين؛ إذ لم يوجد أي مسلم بورمي ارتد عن الإسلام أو اعتنق الديانة البوذية أو أي دين آخر. فلما أدركت بورما هذه الحقيقة غيّرت موقفها وخطتها من برمنة المسلمين إلى "القضاء" على المسلمين واقتلاع جذور الإسلام من أرض بورما، وذلك بقتل ونهب وتشريد ومسخ هويتهم وطمس شعائرهم وتراثهم، وتغيير معالمهم وثقافتهم.
ومنذ أن استولى الجيش على مقاليد الحكم عام 1962م اشتدت المظالم على المسلمين بطريق أوسع من السابق، ففي عام 1978م شردت بورما أكثر من ثلاثمائة ألف مسلم إلى بنجلاديش، وفي عام 1982م ألغت جنسية المسلمين بدعوى أنهم متوطنون في بورما بعد عام 1824م (عام دخول الاستعمار البريطاني إلى بورما)، رغم أن الواقع والتاريخ يكذِّب ذلك. وفي عام 91-1992م شردت بورما حوالي ثلاثمائة ألف مسلم إلى بنجلاديش مرة أخرى.
وهكذا يستمر نزوح المسلمين إلى بنجلاديش ومنها إلى بلاد أخرى كل يوم؛ لأن الحكومة خلقت جو الهجرة، فالوضع الذي يعيشه مسلمو أراكان مأساوي جدًّا.. فهم محرومون من أبسط الحقوق الإنسانية، وهناك مئات الآلاف من الأطفال تمشي في ثياب بالية ووجوه شاحبة، وأقدام حافية، وعيون حائرة لما رأوا من مظالم واعتداءات البوذيين، حيث صرخات الثكالى والأرامل اللائي يبكين بدماء العفة، يُخطف رجالهن ويعلقون على جذوع الأشجار بالمسامير، حيث تقطع أنوفهم وآذانهم، ويفعل بهم الأفاعيل، وعشرات المساجد والمدارس تُدمر بأيدٍ نجسة مدنسة.
وفي الأول من شهر يونيو 2012م تعرض عشرة من دعاة المسلمين الأراكانيين لمذبحة شنيعة قضوا نحبهم فيها بعد أن هوجموا من قبل جماعة بوذية، فتكت بهم جميعًا ومثّلت بجثثهم، ولم تقف الأمور عند هذه المجزرة فحسب بل تعدتها إلى حرق منازل ومزارع عدد كبير من المسلمين وقتل العشرات بالنيران. ومنذ 8 يونيو هجم البوذيون على المسلمين حينما كانوا يؤدون صلاة الجمعة في مدينة منغدو (المتاخمة لحدود بنجلاديش)، وعند مواجهة المسلمين لتلك الهجمات المفاجئة أطلقت الشرطة الرصاص على المصلين الأبرياء؛ مما أسفر عن مقتل أربعة مصلين.
وبعدها بدأ البوذيون المشاغبون المسلحون بالأسلحة النارية بشن حملات منظمة على المسلمين الأبرياء. وفي 10 يونيو 2012م تم فرض حظر التجول على المناطق التي تقطنها الأقلية المسلمة، وبعدها قامت الجماعات البوذية بتعاون من رجال الشرطة والجيش وقوات حرس الحدود بحملة تطهير عرقي وديني راح ضحيتها آلاف من المسلمين الأبرياء بين القتلى والمصابين بالجروح. كما أن البوذيين أحرقوا أكثر من ثلاثة آلاف منزل من منازل المسلمين.
وفي ظل حالة الطوارئ وفرض حظر التجول في مناطق المسلمين صعبت المعيشة على المسلمين وتزايدت المأساة الإنسانية بشكل مخيف في أراكان، كأنها تحولت إلى سجن كبير، بل الواقع أسوأ من ذلك، حيث لا يستطيعون الخروج من بيوتهم لكسب المعاش أو لشراء ما يسدّ رمقهم. ومن جانب آخر فإن الشرطة تواصل الاعتقالات العشوائية وانتهاك الحرمات، بحيث تحاصر قرية من جميع الجوانب دون إنذار مسبق، ثم تلقي القبض على الرجال والشباب وتغتصب النساء وتنهب الأموال والأشياء الثمينة!!
وقد بلغ الأمر إلى حدٍّ لا يمكن إحصاء المقبوضين أو المتعرضين لهذه الجرائم اللاإنسانية..
وما زالت المأساة مستمرة، ومن ثَمّ فإنني أناشد منظمة الأمم المتحدة ومنظمة المؤتمر الإسلامي وجميع منظمات حقوق الإنسان في العالم الحر الأبيّ أن تغيث شعب أراكان، وأن تمد لهم يد العون لوقف نزيف الدم، أم لأنهم مسلمون فدماؤهم رخيصة ولا يهتم لمأساتهم أحد؟!! وهنا أتذكر قول الشاعر:
قَتْلُ كلبٍ في غابةٍ قضيةٌ لا تُغتفر *** وقتل شعب آمنٍ مسألةٌ فيها نظر
بقلم: ياسر الفخراني(1)

الأحد، 8 يوليو، 2012

غريق فى عز الضهر

أزيكم وحشتونى جدا   جدا , أنا بقالى كتير أوى مافتحتش المدونة بس ان شاء الله هعوض الوقت اللى فات 
واكتب كل يوم موضوع  جديد, هبدأمعاكم من النهاردة .


















حصل معايا موقف فى الميكروباص امبارح استفزنى لأبعد حد ممكن  تتصوروه
كنت مروحة من الشغل  وكالعادة كنت متأخرة والمواصلات زحمة والجو حر ,وحصلت المعجزة و لقيت ميكروباص فاضى 
الميكروباص اتملى ومشينا , وعلى غير العادة الطريق كان واقف , وقفنا أكتر من نص ساعة 
ركاب ميكروباصنا المتطفلين طبعا حبوا يعرفوا إية السبب ؟
 والنتيجة أنه حصل حادثة وعربية وقعت فى المياة والشاب اللى كان فيها غرق فى النيل  ومات  وأهله واقفين عشان يطلعوا جثته 
ولأن أهله كانوا كتير الطريق وقف و العربيات مش عارفة تعدى منهم  .
 المشكلة بقى مش فى الغريق ولا فى أهله .... المشكلة فى ركاب الميكروباص بتاعنا وتعليقاتهم
  الراجل اللى كان راكب قدامى : يادى النيلة ادينا هنطلطع ساعتين على ما بسلامته يطلع من المياة دا إذا طلع .
الراجل اللى جنبه : اتفضل يا سيدى  خد عندك بقى ما هى دى أخرة الثورة بتاعتهم سلامات يا ثورة  !!!!!!
الست العجوزة اللى فى آخر الميكروباص : ماكنش عارف يغرق بعد العصر , جاى يغرقلنا فى عز الضهر .
بنت الست العجوزة اللى فى آخر الميكروباص : طبعا ماله حق ماهى المياة بترطب جسمه واحنا هنا بنتسلق .
وفى بنت قاعدة ورايا ماسكة الموبايل طول الطريق : أيوة يا حبيبى مش هسيبك ليها محدش هياخدك منى أبدا  ( وتضحك ضحكة خليعة ) اتخيلت انها ممكن تتأثر من منظر الجثة , اتريها فى وادى واحنا فى وادى تانى خالص
الراجل اللى قاعد جنبى بقى فتح شنطته وطلع سندويتش بياكل وهو بيبص من الشباك وكأنه بيتفرج على فيلم سينما مش على جثة .
والأحلى من كده بقى , السواق نزل يتخانق مع أبو الغريق عشان يبعدوا عن الطريق .
الراجل كان صعبان عليا أوى وهو بيعيط ويتحايل على السواق ويقولوه أصبر هطلع ابنى وهخده وامشى على طول 
وأم الغريق بتصرخ وتقولهم أنا عايزة ابنى , هاتولى ابنى احضنه
وواحد من أهله يقولها أصبرى يا حاجة , إكرام الميت دفنه .
كل دا والسواق بتاعنا ولا فى دماغه وكل همه أنه يعدى عشان يلحق يعمل دور كمان ويروح بدرى عشان عازم حماته على الغدا 
وقتها بس اتمنيت لو كان ميكروباصنا هو اللى وقع فى المياة  والناس دى هى اللى ماتت بدل الولد المسكين دا .

إية اللى حصل للناس ؟؟؟ فين الرحمة ؟؟؟فين إنسانيتهم واحترامهم لآدمية بعض ؟؟؟فين الإحساس بمشاكل الناس وهمومهم ؟؟؟ ازاى ما تأثروش باللى حصل ؟؟؟ إزاى قلبهم ما حسش بالام دى وابنها بيطلع من المياة جثة بايشة من المياة ؟ ولا من منظر أبوه وهو بيقلع عبايته ويغطيه بيها ؟؟؟طب  إذا كان الموت مش بيأثر فيهم , أمال إية اللى ممكن يخليهم يحسوا ؟؟؟؟
من لم يكن له الموت واعظا فماله من واعظ

الخميس، 10 مايو، 2012

السيرة الذاتية للدكتور عبد المنعم أبو الفتوح

ولد د. عبد المنعم أبوالفتوح فى حى الملك الصالح بمصر القديمة لأسرة جاءت إلى القاهرة من كفر الزيات بمحافظة الغربية، وكان ترتيبه الثالث بين ستة إخوة كلهم ذكور.

تميز عبد المنعم أبوالفتوح فى الجامعة بنشاطه واهتمامه بشئون زملائه فشغل منصب رئيس اتحاد كلية طب القصر العينى التى كانت فى ذلك الوقت رائدة فى العمل الإسلامى ، ثم أصبح بعد ذلك  رئيس اتحاد طلاب جامعة القاهرة ، حين حدثت الواقعة الشهيرة عندما واجه عبد المنعم أبوالفتوح الرئيس السابق السادات أثناء لقاءه معه بثقة وشجاعة فقال له أن الدولة يسود فيها حالة من النفاق ولاتحترم علمائها .

لم يؤثر انشغاله بالعمل العام على دراسته فظل محافظا تفوقه فى جميع سنوات الدراسة وحصل على بكالوريس طب القصر العينى بتقدير جيد جدا ، لكنه حرم من التعيين بسبب نشاطه السياسى واعتقل لعدة أشهر ضمن اعتقالات سبتمبر ١٩٨١ الشهيرة. إلا أنه واصل تفوقه الدراسي وحصل على ماجيستر إدارة المستشفيات كلية التجارة جامعة حلوان .

انضم لحركة الإخوان المسلمين وشغل منصب عضو مكتب الإرشاد بجماعة الإخوان المسلمين منذ عام ١٩٨٧حتى٢٠٠٩.

عقب تخرجه شغل د.عبدالمنعم أبوالفتوح العديد من المناصب السياسية والنقابية مثل منصبه السابق كأمين عام نقابة أطباء مصر ومنصبه الحالى كأمين عام اتحاد الأطباء العرب ، كما امتد عمله العام للعمل الإغاثى والإنسانى من خلال رئاسته للجنة الإغاثة والطوارئ باتحاد الأطباء العرب، التى أرسلت مساعدات طبية وإنسانية إلى ضحايا حادثة سيول أسوان وسيناء وكارثة الدويقة ، كما قامت بتجهيز المستشفيات الميدانية بميدان التحرير خلال الثورة ، وتقديم المعونات لضحايا الثورة الليبية ومجاعات الصومال ، وتوفيرالمساعدات لضحايا الاعتداءات الصهيونية فى فلسطين ولبنان وقطاع غزة .

 اعتقل فى عهد مبارك لمدة خمس سنوات لنشاطه السياسي ، حصل خلالها د. عبد المنعم على ليسانس الحقوق من جامعة القاهرة.

يعيش د. عبدالمنعم أبو الفتوح حاليا فى القاهرة مع زوجته التى تعمل كطبيبة نساء وتوليد ولديه ستة أبناء ثلاث إناث يعملن طبيبات وثلاث ذكوريعملون فى مجالات الهندسة والصيدلة والتجارة .

كتاب : عبد المنعم ابو الفتوح شاهد على الحركة الإسلامية في مصر

الأربعاء، 25 أبريل، 2012

أحمد مكي - قطر الحياة

أغنية جميلة وبحبها اوى وحبيت أنكم كمان تشوفها 
فى كل لفة عقرب ساعة عمرى بيتسرسب بيعدى
الناس و الدنيا بتتغيرحتى الحديد بيصدى
وانا الوحيد واقف مكانى ثابت فى ناس اختارت سكة صابت
ناس تانية اختارت سكة خابت
احساس قاسـى وصعب لما الناس تشوفك فاشل
ابوك وامك واخواتك واصحابك شايفينك عاطـل
قوم يابنى اسعـى وحاول والله غلبت احـاول
ياما حاولت وقبل الجون ما ييجى يطلع فـاول
معنديش مهارة وحتى كوسة وحوستى حوسة ودوست بعد اخر البنزين بدوسة
فى كل مقابلة شغلانة يتقلى لف نفسك بشهادتك مدد بجنب اى حيط وخدلك بوسة
رجعت فلاش باك حسبت سنين عمرى تلاتين سنة لقيت
حسبت تانى وتالت واتخضيت
ببص فى المراية كام شعراية بيضة لقيت
وابويا هو اللى لسه بيصرف ع البيت
بتعامل من عيلتى على انى عالة
وحالتى حالة ثقتى بنفسى راحت النجاح بقى استحالة
نفسى اهرب من نفسى و من حالتى ومن عيلتى ومن الدنيا
نفسى القى دنيا تانية اهرب بيها لو حتى ثانية
وفى يوم قلهالى صاحبى واللى يدلك على الطريق
ميفيدش الصاحب غير صاحبه اسمع من الصديق
قالى فى قعدة ضرب حلوة بليل عاملنها
سألته هاش ضحك قالى بيسة قولتله لدمنها
قالى متخفش مش ممكن تدمن من اول شكة
اقنعنى بليل فعلا شكيتلى اول شكة
مفصلى ساحت وارتاحت وروحى راحت
بكلم نفسى من جوه برغى من بره ساكت
همومى شبه تاهت والرؤية باهت فى باهت
كل مشكلة كانت عندى فى الدنيا ماتت وتاهت
عدت ساعات فى ثانية لقيت الصحبة قايمة
دخلت بيتى وش الفجر عيلتى كانت نايمة
دفنت نفسى تحت الباطنية جسمى متلج
نمت فى اقل من ثانية نومة واحد متبنج
قطر الحياة بيعدى بسرعة سنة فى سنة فى سنة
وانا زى ما انا من لما كان عندى سنة
هى هى الحياة هو هو انا انا
زهقت طهقت من الحياة تقدر تقول مليت أنا
ادينى فوقت رجعت تانى للواقع والعكننة
عدى النهار بطىء كأنه كام شهر وسنة
نفسى النهار يعدى بسرعة واضرب تانى
ارجع ملك زمانى بعيد عن العالم اللى رمانى
خلونى اضرب معاهم كل يوم وبتعزم
خلاص دخلت السكة والطريق بيترسم
فجأنى صحبى فى يوم قلهالى فى وشى خف تعوم
اجيب فلوس منين ليا وليك نضرب كل يوم
شخشخ جيبك يا من اعدتنا دى تكون محروم
من النهارده مفيش ضرب ببلاش مفهوم مفهوم
روحت وتانى يوم فى ميعاد الضرب جسمى اتكهرب
كرابيك فى ضهرى ومنخيرى سايلة وبتسرب
عاوز اضرب منين اجيب فلوس منين اجيب فلوس
بدأت استلف من كل اللى اعرفه وادوس
وحتى خواتى خت منهم ياما فلوس دروس
كله كرهنى وبيهرب منى التعن نفوس
خمسين جنيه فى خمسين فى مية فى مية
بسرق يوماتى فلوس من البيت وكلو شك فيا
نزلت بعت كل حاجة جتلى فى يوم هدية
خلصت فلوسى لحد ما فى يوم جتلى فكرة هـى ؟ هى ؟
دهب امى موبيل اختى لاب توب اخويا
سرقتهم نزلت اهرب من البيت وقفنى ابويا
حاول يمنعنى مسكنى من ايدى جامد زقيته
اتخبط فى الحيط و بصلى ازاى ابنه واذيته
خد منى كل حاجة وتربس الباب غضـب
ساعتها طلبت اغرب حاجة ممكن تتطلب
عاوز فلوس حالا يا اما هرتكب جريمة
اتهمنى بالجنون وادانى كام شتيمة
بيبان كل الاوض بتتفتح عيلتى بتتفرج
لسه بيستوعبه يمكن ده جد يمكن بيهرج
سحبت بنت اختى تلت سنين ناحية شباك
هاتو الفلوس لارميها فجأة زاد الارتباك
امى بكيت بحرقة ادامى فوقت لثوانى
رمتلى فلوس وبصوت عالى مشوفش وشك تانى
امشى ملكش ام يا ابغض من شيطانى
خدت الفلوس وجريت عارف مش راجع بيتى تانى
قطر الحياة بيعدى بسرعة سنة فى سنة فى سنة
وانا زى ما انا من لما كان عندى سنة
هى هى الحياة هو هو انا انا
زهقت طهقت من الحياة تقدر تقول مليت أنا
خسرت كل اهلى وصحابى بقيت وحيد
ومنين هجيب فلوس لازم القى طريق جديد
فجأة افتكرت جـار من سنى ساكن لوحده طول عمره
ابوه فى اعارة بره مصر وشهرى فلوس يبعتله
شديته زى ما اتشديت انا لنفس الطريق
لقيت مصدر فلوس جديد وبيت ولقيت صديق
نضرب سوا بفلوسه وفى بيته ملناش ظهور
شقى سنين ابوه خلص خلص فى اربع شهور
وفى ليلة بنضرب جاتله مكالمة مصدقهاش
ابوه عرف ان ابنه بيسرق واتنقل انعاش
كل عصب فى جسمى اتوتر زودت الجرعة اكتر
الجرعة المعتادة خلاص مبقتش تأثر
شريط حياتى بيتعرض ادامى اخبار فى اخبار
ضربت سم فى عروقى زودت اكتر واكتر
نفسى افنى واخلص من الدنيا زى المية اتبخر
كمان زودت سم جسمى كلو اتلون اصفر
صاحبى اتفزع قام واتسرع مالك اصفر ليه يا جدع
جسمك عرقان وبتترعش زى اللى من الحية اتلدع
رغم انى غرقان فى العرق جسمى متلج موجوع وجع
من خضتى جيت اصلب طولى جسمى ع الارض اترزع
جسمى رافض يكون له امر منى القوة اتهدت
والدنيا بتضلم تدريجى واحدة واحدة اسودت
اخر لقطة فى حياتى شوفتها كانت مأساة
صحبى مرعوب وبيراقب فراقى للحياة
قطر الحياة بيعدى بسرعة سنة فى سنة فى سنة
وانا زى ما انا من لما كان عندى سنة
هى هى الحياة هو هو انا انا
زهقت طهقت من الحياة تقدر تقول مليت أنا