Pages

السبت، 21 يوليو 2012

اعتذار رسمى

بقالى فترة ماكنتش بكتب أى موضوعات على المدونة (تقريبا سنة ونص) المهم انى رجعت وكتبت تانى
كتبت تقريبا أكتر من 5 موضوعات ومحدش معبرنى خالص 
حتى بوست رمضان كريم, توقعت انى ألاقى حد يقولى كل سنة وأنتى طيبة 
محدش سأل فيا خالص ):
ماكنتش لاقية ولا تعليق , واحبطت جدا جدا جدا وقربت اكره نفسى 
واصدق أخويا الرذل لما بيقولى هو انتى فاكرة ان حد بيقرا الكلام دا ولا ان حد بيحبك  اصلا فوقى بقى واعمل حاجة مفيدة وبلاش تضيعى فى وقتك
والله كنت خلاص هصدقه , وتردد السؤال فى عقلى
هو محدش بيعلق عندى خالص ليه ؟
واخيراً جالى هاتف من السما وافتكرت أن من سنة تقريبا واحد رذل دخل المدونة وكتب تعليق مش كويس
ولأنى فى الوقت دا ماكنتش بكتب أى موضوعات جديدة استسهلت أنى اقفل التعليقات على  المدونة 
بس الحمد لله دلوقتى رجعتها 
 يعنى أصحابى مانسيونيش ولا حاجة (:
سامحونى على سوء ظنى بيكم وبنفسى 
أسماء

هناك 6 تعليقات:

aya mohamed يقول...

كل سنة وانتى طيبه يا جميلة
ورمضان كريم عليكى ان شاء الله
فرحانه جداا انك رجعتى تكتبى تانى
وفرحانة اكتر انك فتحتى التعليقات
نورتى بلوجر من تانى ومش تغيبى بقى

Asmaa Amer يقول...

كل سنة وأنتى طيبة يا آية
بلوجر دايما منور بيكى وان شاء الله نفضل نتجمع فيه على طول
انا مبسوطة اوى انى اخيرا شفت تعليق على المدونة كنت خلاص احبطت جدا
الحمد لله انى هرجع اشوفكم واتابع مدوناتكم تانى

safa7_karmooz يقول...

ايوة انا حاولت كذا مرة ابعت تعليق الصفحة مكنتش بتفتح :D
كل سنة وانتى طيبة :)

Asmaa Amer يقول...

كل سنة وأنت طيب وبخير دايما
أنا كتشكرة أوى لأهتمامكم دا , واهو التعليقات اتفحت ومبقاش ليكم حجة , عايزة بلوجر يمطر تعليقات (:

غير معرف يقول...

كل سنة و ربنا يرضى عنا اكتر يا سومه نفسى احس انى لو مت النهارده انى هادخل الجنه
كل سنة و انتى طيبه يا سمسمه

Asmaa Amer يقول...

بلاش تفكري في الموت يا أميرة بالعكس دا أنتي بالذات لازم تفكري في الحياة اللي بتتكون جواكي وتفكري في مستقبله
وبلاش كآبة بقي عشان الحكاية مش نقصاكي