Pages

الأربعاء، 24 نوفمبر 2010

أفكار سامة

فكرت كتير فى موضوع اكتبه فى المدونة وخصوصا بعد مساندتكم ليا فى الفترة الأخيرة
فكرت انى اخصكم بتجربة حصلتلى , ومافتكرش أن حد منكم مر بتجربة مشابهة
أنا عارفة انها تجربة مؤسفة ومابفتخرش بيها وعمرى ما حكيتها لحد
بس اخيرا هفك قيود نفسى , واحكي بكل صراحة
لما كنت فى سنة تانية جامعة جتلى حالة غريبة من اليأس والاستسلام
حسيت ان الدنيا كلها اتخلت عنى ومحدش محتاج وجودى
كان عندى 18 سنة وحسيت أن عندى 80 سنة
ما كنش عندى أى تجارب فى حياتى , حتى صحتى كانت فى أدنى حالاتها
وقررت أن ارتاح وأريح الناس من وجودى
ولأول مرة اصمم على حاجة , واشتريت سم (سم فئران )
الغريب انى اشتريت علبتين من نوعين مختلفين
تخيلوا التصميم وكره الحياة
كنت خايفة يكون مفعول العلبة الاولى مش أكيد
كنت خايفة من الفشل , ما كنتش عايزة افشل حتى فى الموت
وشربته فعلا ورحت المستشفى والحمد لله الدكاترة انقذوا حياتى البائسة
ولما روحت البيت شفت نظرة غريبة أوى فى عيون بابا
حسيت فيها بحب وانكسار وحزن وغضب وكره
شفت فى عينيه كل الكلام اللى مقدرش يقولوه
الغريبة أن لحد دلوقتى محدش فتح الموضوع ولا سألنى أنا ليه عملت كده
بس أنا اتعلمت من التجربة دى حاجات كتير اوى
اهمها أن ماينفعش اسمح لليأس يسيطر عليا تانى
وعدت نفسى احميها واحافظ عليها حتى لو من نفسى
قررت أن لو قابلتنى أى مشكلة اتعامل معاها واحاول احلها
أو اعتبرها حجر قابلنى فى الطريق
وانى اتكعبلت وقمت نفضت التراب وبكمل فى سكتى
والبوست دا بالنسبالى بداية مرحلة تنفيض التراب
بنفض نفسى من كل المشاكل ورواسبها اللى اتخزنت فى حياتى
الأيام بتمر والمشاكل بتزيد ورواسبها كمان بتزيد
ونصيحتى لأى حد منكم ينفض تراب الزمن عن نفسه
ويفتح دفاتره القديمة ويبدأ يراجع مشاكله وينظم حياته
وربنا يوفقكم ومحدش يمر بالتجربة دى أبدا

ملحوظة:

تفتكروا كان لازم اغير نوع السم , أصله ماجبش نتيجة ؟

هناك 16 تعليقًا:

Dr/ walaa salah يقول...

اولا يا سمسمه كون انك كتبتي عن التجربه دي معناه انك فعلا اتعلمتي منها

بس الحاجه اللي مزعلاني منك انك لما ذكرتي الحاجات اللي اتعلمتيها من التجربه دي انك مذكرتيش ان الانتحار حرام وان اللي بيموت منتحر بيموت كافر والله اعلم

عارفه يا سمسمه لو حطينا الموضوع ده قدام عينينا مش هنفكر ابدا في الانتحار وهنفكر في حلول تانيه احسن



ملحوظة:

تفتكروا كان لازم اغير نوع السم , أصله ماجبش نتيجة ؟


ههههههههههههه عسل والله كنت ميته من الضحك لما قريتها


ايوه يا حبيبتي انتي غلطتي لما تحبي تجيبي سم فيران قوليلي وانا اقولك على نوع فعال وسريع هههههههههه


ربنا يسعدك يا حبيبتي يارب

Ayoya Mohamed يقول...

يا عينى يا سوسو انا عرفه انك ثابته ومتماسكه ومبتتهزيش وبتاخدى قرارات
بس مكنتش اعرف انك مريتى بتجربه صعبه زى دى ربنا معاكى ويثبتك

غير معرف يقول...

بجد ياستار انا زعلانه منك اوى مش ينفع انك تفكر فى حاجه زى دى على الاقل علشان ربنا حتى لو كان عليك ضغط عالى بس ربنا ان شاء الله يسمحك
ويارب يارب ربنا يوفقك " نؤنؤ"

ماجد القاضي يقول...

أختي الكريمة .. بجد بتداعي المعاني لا أملك أن أعلق هنا إلا بهذا البوست الذي كتبته منذ حوالي 8 شهور.. أعتقد أنه قريب جدا من موضوعنا هنا....!

http://magidalkady.blogspot.com/2010/02/3.html

تحياتي.. والحمد لله إنك أصبحتِ أفضل من الفترة السابقة..
دمتِ سالمة.

MTMA89 يقول...

تجربة غريبة جدا
و اكيد كانت صعبة عليكي و على الكل
و الحمدلله انها عدت بسلام
و لازم تحمدي ربنا كل يوم لما تصحي انه ادالك فرصة تانية في كل يوم عايشاه

"ونصيحتى لأى حد منكم ينفض تراب الزمن عن نفسه
ويفتح دفاتره القديمة ويبدأ يراجع مشاكله وينظم حياته "
لازم كل انسان يتعامل مع مشاكله
مش يتجاهلها او يهرب منها
و محدش بيتعلم بالساهل


ربنا يحميكي و يوفقك دائما


محمد
:)

Asmaa Amer يقول...

والله يا جماعة التجربة دى كانت مثيرة اوى واستفدت منها كتير جدا
بس ان شاء الله مش هتتكرر تانى
مش بس عشان حرام
عشان مش مفروض ان لانسان يهرب من مشاكله او من نفسه
لازم يحاول يحل مشاكله أول بأول ومايسبش أى حاجة للظروف

غير معرف يقول...

لطيف آخر. شكرا

غير معرف يقول...

كيف إني أسألك لمزيد من التفاصيل؟ عظيم آخر في حاجة الى معرفة المزيد...

Asmaa Amer يقول...

طيب ممكن اتشرف بمعرفة حضرتك الأول يا غير معرف
عشان اقدر ازود حضرتك بالتفاصيل اللي أنت عاوزاها

غير معرف يقول...

أنا فقط واضاف صفحة ويب إلى المفضلة. أحب قراءة رسائلك. شكرا!

farah يقول...

انا استغربت قوي لما عرفت انك اقدمت علي حاجة زي الانتحار
من خلال معرفتي بيكي حسيت انك شخصية متدينة متزنة ذكية واثقة في نفسها
مش بتستسلم بسهولة يارب تكوني اتعلمتي من التجربة دي ويارب ماتتكررش تاني
وبعدين للأسف الانتحار حرام والمنتحر كافر وفي الأخرة هو في النار
لو مكنش الانتحار حرام كانت الناس كلهاهـتنتحر وتتخلص من حياتهاعندما تعجز عن تغيير الواقع أو حل أي مشكلة

كنت سمعت دعاء عن الرسول صلي الله عليه وسلم "اللهم احيني اذا كانت الحياة خيرا لي وتوفني اذا كانت الوفاة خيرا لي"

لو فيه حد يتمني الموت


ملحوظة:
تفتكروا كان لازم اغير نوع السم , أصله ماجبش نتيجة ؟

هههههه دي احلي حاجة في الموضوع ده
رأيى طبعا كنتي تغيريه هو لسة في حد بينتحر بالسم دي طريقة قديمة قوي
فيه طرق دلوقتى حديثة ومضمونة وبدون ألـم بس مش هقول عليها

آسفة علي الاطالة

farah يقول...

انا استغربت قوي لما عرفت انك اقدمت علي حاجة زي الانتحار
من خلال معرفتي بيكي حسيت انك شخصية متدينة متزنة ذكية واثقة في نفسها
مش بتستسلم بسهولة يارب تكوني اتعلمتي من التجربة دي ويارب ماتتكررش تاني
وبعدين للأسف الانتحار حرام والمنتحر كافر وفي الأخرة هو في النار
لو مكنش الانتحار حرام كانت الناس كلهاهـتنتحر وتتخلص من حياتهاعندما تعجز عن تغيير الواقع أو حل أي مشكلة

كنت سمعت دعاء عن الرسول صلي الله عليه وسلم "اللهم احيني اذا كانت الحياة خيرا لي وتوفني اذا كانت الوفاة خيرا لي"

لو فيه حد يتمني الموت


ملحوظة:
تفتكروا كان لازم اغير نوع السم , أصله ماجبش نتيجة ؟

هههههه دي احلي حاجة في الموضوع ده
رأيى طبعا كنتي تغيريه هو لسة في حد بينتحر بالسم دي طريقة قديمة قوي
فيه طرق دلوقتى حديثة ومضمونة وبدون ألـم بس مش هقول عليها

آسفة علي الاطالة

ماجد القاضي يقول...

السلام عليكم

اين أنتِ أختي اسماء؟

------------

إوعي تكوني غيرتي نوع السم؟!!!!!!!!!

بعد الشر عنك طبعا..

-------------

بجد طمنينا عليكي!!!

Asmaa Amer يقول...

ماتخافش يا أستاذ ماجد انا زى القطط
بعيش اكتر من حياة
انا بس كان عندى مشكلة فى النت مش اكتر
وشكرا لسؤالك

Asmaa Amer يقول...

مرسى يا دكتور شيرى على تعليقك
عندك حق طبعا فى عتابك الظريف
أنا الحمد لله خلاص اتعلمت الدرس وعرفت ان الدنيا عمرها مابتظلم حد
الانسان هو اللى بيظلم نفسه
الانسان هو اللى مش بيعرف يقيم حياته ودايما بينسى نفسه وسط زحمة الحياة ومشاكلها
وياريت اشوف تعليقاتك كتير
لازم تقرى كل الموضوعات

Asmaa Amer يقول...

مرسى يا دكتور شيرى على تعليقك
عندك حق طبعا فى عتابك الظريف
أنا الحمد لله خلاص اتعلمت الدرس وعرفت ان الدنيا عمرها مابتظلم حد
الانسان هو اللى بيظلم نفسه
الانسان هو اللى مش بيعرف يقيم حياته ودايما بينسى نفسه وسط زحمة الحياة ومشاكلها
وياريت اشوف تعليقاتك كتير
لازم تقرى كل الموضوعات