Pages

الاثنين، 27 يونيو، 2011

قليلة البخت من يومى










اعمل اية يا ناس فى الدنيا
وفى نصيبى يا خلق معاها ؟
مش عارفة يا ناس اية ذنبى
نفسى اضحك يوم من قلبى
نفسى يا دنيا اكمل حلمى
مالك يا زمانى فى اية؟
سبت الناس واخترتنى لية؟
أيامك بتجرى وتعدينى
حالفة تسرق كل حاجة
وتاخد عمرى وسنينى
كل طريق وياك مسدود
كل كلام الدنيا اتقال
فاكر لما حكتلك حلمى؟
وأنت هدمته وهديته
فاكر نظرة عينى ساعتها؟
قلبى اتملى على أخره هموم
خابف يبكى أو يتكلم
خايف يصرخ أو يتألم
خالف يعيش محروم
قليلة البخت من يومى
وعارفانى .......
جراح الدنيا حواليا
محوطانى ........
ساذجة وهبلة وعبيطة
مريضة وعاجزة وضعيفة
مش عارفة إية اللى عملته
مش عارفة إية اللى جرالى
؟؟؟؟؟؟؟؟؟؟؟؟؟؟؟
ماتقولى يا زمانى فى إية ؟
قاسى عليا وتاعبنى معاك لية؟

هناك تعليق واحد:

وجع البنفسج يقول...

ولا قليلة بخت ولا حاجة .. هي الدنيا محتاجة فن الممارسة والتعامل علشان نقدر نفهمها ونعيش معها .. كل واحد فينا عنده الحتة دي جواته .. يحس انه قليل البخت .. لكن دوري في نفسك على الحاجات الموجودة عندك ومش موجودة عند غيرك وح تحسي قد ايه ربنا بيحبك ومعطيك الكثير الكثير .. بس دوري كويس جواكي ..

::::
عموما هي خاطرة حلوة قوي ، تسلم ايديك عليها ..