Pages

الأربعاء، 5 سبتمبر 2012

عايشة على الهامش

مابين ماضى وبين حاضر 
معاك أنا عايشة على الهامش
ومستقبل بعيد ... سافر
وقلبى من الحنين حيران 
وصبرى طال على الآخر
نفسه نرجع الزمان
وأحلام نفسها تقابله 
وتاخده بسرعة بالأحضان
يفوق القلب من وهمه
ويرجع بالحنين ندمان
آه من جراحك يا زمن
وآهين على عمرى كمان
صحيح أناعايشة بتنفس
وليا فى الدنيا مكان   
    لكن,,,,
ما بين بكرة وبين بعده 
ما بين قلبك وبين وعده
ما بين عمرى وبين عمرك
سنين عدت على الهامش 
جراح مرت ومش عارفة
تعود إزاى لعنوانها
خلاص القلب فاض منها
ورجعت تانى للهامش
وعمرى ضاع مع ليلك
يهون العمر ويعدى
ويفضل قلبى يناديلك
حبيبى يا سبب سعدى  
وهفضل برضو مع جرحك
وأعيش وياك على الهامش



هناك 4 تعليقات:

safa7_karmooz يقول...

وهنفضلى على الهامش معاهم كده لحد امتى -_- !

Asmaa Amer يقول...

قريب إن شاء الله

entrümpelung wien يقول...

شكرا لكم .. دائما موفقيين ..))
entrümpelung
entrümpelung wien

usa proxy يقول...

ريوبى