Pages

الأربعاء، 29 سبتمبر 2010

أصدقاء اليوم ........ أعداء الغد

احساس صعب أوى ان يكون عندك صديق كان فى وقت من الأوقات أقربلك من نفسك
وفجأة تكتشف انه مجرد ظل لفترة حلوة من حياتك عشتها وفاكرانها ممكن تتعاد تانى
لما يتحول لمجرد ألبوم صور بتفتكر أيامك الحلوة لما تبص فيه
ألبوم للماضى وملوش اى علاقة بحاضرك أو مستقبلك
لما يتحول صاحبك دا لجرباج كل همة ازاى يوجعك , ازاى يهينك
لما صاحبك دا يتفنن ازاى يهز ثقتك بنفسك , فى وقت انت محتاج منه المساندة
لما يوجه ليك الاتهامات طول الوقت ومش من حقك حتى تدافع عن نفسك
الطريف ان لما كان يغلط , واجب عليك انك تسانده وتكون عجازه لحد لما يصلح الغلط
انما لو غلطت انت مابيكنش هو العجاز , بيكون الكرباج والجلاد
لما تكون احسن فترة فى صداقتكم هى الفترة اللى هو مجروح فيها
وأسوء فترة هى وقت فرحه !!!!!!!!!!!!
وكأنه بيقولك انك موجود بس عشان لما يكون تعبان تسمعله وتساعده
لما الأنانية تغلف كل تصرف بيقوم بيه وهو معاك
لما تحس انه بيراقبك فى كل تصرفاتك وكأنه متعمد يتصيد أخطائك
وبيصطاد أخطائك مش علشان يصلحها ,لا علشان يهينك بيه
لما كل حاجة تعملها يشوفها غلط , لما كل مشكلة يكون فى صف الطرف التانى
دايما بيكون ضدك بدل ما يكون جنبك
لما يكون صاحبك , وفجأة يبقى عدوك









هناك تعليقان (2):

Ayoya Mohamed يقول...

دا لو كان فى حاجه اصلا اسمها صداقه دلوقتى كل واحد همه مصلحته لو حتى هيضر كل اللى حواليه احنا مش فالمدينه الفاضله عشان نتكلم كده. مفيش مشاعر مفيش صداقه مفيش حب هيا دى لغه العصر

Asmaa Amer يقول...

هههههههههههههههههههه
انا قولت كده قالوا عليا منافقة