Pages

الثلاثاء، 2 نوفمبر 2010

فارس أحلامى



امبارح قعدت مع نفسى أفكر اية مواصفات الراجل اللى نفسى ارتبط بيه

اكتشفت أن كل الصفات اللى نفسى فيها مبقتش موجودة
كان نفسى فى انسان يتقى ربنا
انسان عنده قلب
انسان لسه بيحس
انسان يوفى بوعده
انسان ما يجرحنيش
انسان ما يبعنيش بالرخيص
انسان يقدر وجودى
باختصار ,
كان نفسى فى انسان يكون انسان
بس للأسف دورت ومالقيتش
كلهم دلوقتى بيوعدوا الف وعد
لالالالالالالالا مليون وعد أو أكتر
ولو البنت طالبته بأى وعد منهم
هيرد عليها الرد المشهور
خلينا أصدقاء وخدى بالك من نفسك وابقى طمنينى عليكى
بيقولها ببساطة ومش همه ولا فارق معاه أى حاجة
بيقولها وصوته مليان شماته وكره
زى ما يكون بينتقم منها علشان حبته
فجأة بقى يشوفها وحشة أو شيطانة
لازم يستعيذ بالله علشان يبعد عنها
فجأة كده ميبقاش شايفها أصلا
فى زماننا دا لازم الانسان ميحبش غير نفسه وبس
مش لازم يكون فى فارس أحلام بس لازم يكون فى أنا
الأنا هى أساس الحياة , هى دلو قتى بقت كل شئ
الأنا هى الشخص الوحيد اللى مش هيأذينى
الأنا هى الشخص الوحيد اللى بيحبنى بجد
مش هتيجى يوم وتقولك خلينا أصدقاء
بعد تجربتى مع الحياة أكتشفت
أن فارس أحلامى هو أنا

هناك 6 تعليقات:

دروع تذكاريه للمدارس للملتقيات للمراكز الصيفيه يقول...

ميه ميه يااسماء والله عندك حق زى التايلنديه اللى عملت فرح لوحدها

Asmaa Amer يقول...

يا بنتى الحب دا وهم وسراب
اللى تصدق ولد دلوقتى تبقى هبلة

عباس ابن فرناس يقول...

انا مش عارف ايه افضللى
انى اتوب وتوضى واصلى
وطلب من ربنا يغفرلى
علشان نفسى اكون انسان!
بجد مش عارف انصحك بى ايه يظهر الدنيا معاكى ملخبطة وانازيك بظبط

Asmaa Amer يقول...

دى مش ملخبطة وبس , دى مقفلة على الاخر

Dr/ walaa salah يقول...

حبيبتي اسماء خدي نصيحه مني صوابعك مش زي بعضها

يا حبيبتي الانسان اللي بدوري عليه ممكن تلاقيه لكن كله مكتوب عند ربنا هيجي امتى

انتي ادعي بس ربنا وانتي هتلاقيه وبكل المواصافات دي


لكن بيني وبينك وبجد ومن تجربه ليا اكتشفت حاجه ووالله انا شاهده عليها

ان في رجاله لما تظهري ليهم حبك بيبعدوا والعكس


عشان كده جربي انك تكتمي مشاعرك وانت هتلاقي اللي بتحبيه يجري وراكي بالاميال

بتمنالك التوفيق وانك تلاقي الانسان اللي بتتمنيه وربنا يكون راضي عن علاقتكم وده اهم شئ

Asmaa Amer يقول...

ميرسى يا دكتور ولاء على النصيحة .
معظم الرجالة دلوقتى مابتقدرش الحب , بيعتبروه ضعف وقلة حيلة

أنا كمان بتمنالك التوفيق