Pages

الأربعاء، 20 أكتوبر 2010

رحمتك يا رب

أول مرة فى حياتى أحس أنى تايهة
ومش عارفة أعمل اية ولا اتصرف ازاى .
حاسة أنى مخنوقة وضايعة وسط قيم ومبادئ مبقتش موجودة
نفسى اختفى من الوجود
عايزة أكون زى المياه لما بتتبخر فى الهوا
نفسى اتبخر واختفى زيها
بجد تعبت من ظلم الدنيا والأيام والناس
عملت عشانهم كل حاجة ورغم كده مش حاسيين بيا
مش عارفة ليه الدنيا واقفة ضدى ورافضة أى حاجة بعملها
رغم أنها عارفانى أكتر من أى حد تانى
أنا خلاص مبقاش فى قلبى أى مكان لجراح تانية
مش عارفة هتستفيد اية لما هتجرح فيا
يا سلام لو ربنا كان حلل الانتحار
مش كان زمانى مرتاحة دلوقتى
مش كان زمانى بعيد عن ايد الدنيا والناس
الناس اللى مبقاش وراهم حاجة غير انهم يعذبونى
ناس بقى كل همهم يجرحونى ويذلونى
عاوزة اموت واختفى وانتهى من الدنيا
أنا عارفة أنى مش هفرق مع أى حد
تخيلوا كده لو أسماء ماتت
واية يعنى
ولا حاجة
صح؟؟؟؟؟؟؟
مجرد واحدة وماتت
مجرد نكرة
انسانة جت ومشيت ومحدش حس بيها
أنا راضية بكل ده
بس قولولها هى ترضى بقى وترحمنى
يا رب
عجل برحمتك يا رب

هناك 10 تعليقات:

Asmaa Amer يقول...

رحمتك وعدلك يا رب

ماجد القاضي يقول...

السلام عليكم

خييييير بس ... هوني على نفسك أختي الكريمة... واضح إن الأمور ملخبطة خالص معاكي...

هل قرأتِ كتاب (لا تحزن).. لعائض القرني؟
لا؟
إذن اقرئيه ولن تندمي والله.
(متوافر على النت كاملا)..

وقبل ذلك.. هل تعلمين أن لك ربا رحيما.. بل هو أرحم بك من أمك نفسها؟!
إذا علمتِ ذلك فلتلجئي إليه.. ولا تنخدعي وتعتقدي أن الانتحار مريح!!!!

طبعا أنا متأكد أن حديثك عن الانتحار من قبيل المبالغة (ربنا يستر وما يكنش بجد!)... لكن مجرد الأفكار السلبية تؤثر في مشاعرنا..

على فكرة اسلوبك جميل جدا.. وطريف جدا.. لاحظت ذلك في بوست (للبنات وبس)..
بالمناسبة ليست كل البيوت تتعامل بهذا الإجحاف مع البنت.. أعرف أننا نعيش في مجتمع ذكوري..

لكن دعيني أهمس لك بنصيحة: لا تكوني سلبية، وخذي موقفا حاسما تجاه بعض الأمور...
* لن أفعل ذلك لأنه ليس واجبا علي.
* سأفعل ذلك لأنني أريد فعله والشرع لا يمنعه.
.....وهكذا..

اعرفي حقوقك جيدا، تسلحي بقوة الحجة.. ثم انطلقي بثقة وبلا تردد أو خنوع...

حاولي استثمار موهبتك في التعبير والكتابة.. وبالتوفيق دائما..

Asmaa Amer يقول...

عندك حق يا أستاذ ماجد , أصعب حاجة فى الدنيا الاستسلام .
أنا قرأت كتاب لا تحزن قبل كده بس مش كله
هحاول اقراه تانى
ميرسى على النصيحة
وبخصوص البيت عندنا هو مش اجحاف هما بس كسلانين ومش بيحبوا يعملوا أى حاجة بنفسهم
لازم أنا احط بصمتى

mero moonlight يقول...

انتى غلسه جدا
اولا عشان بتبالغى جدا ثانيا عشان انتى عند ناس كتير جدا بتفرقى معاهم
مش هيقولوا واحده و ماتت و انتى عارفه كده كويس
بس لو انتى مش حاسه ده يبقى معلش يا حبيبتى يا سوسو مش بتحسى و ده الطبيعى يعنى مش جديد
الا ان فى بعض الاوقات الاخيره لاحظت انك بدأتى تبقى بتحسى زينا
عجييييييييييييب يا زمن فعلا

eng_semsem يقول...

اكيد هتفرقي مع حد وممكن تكوني مش شايفاه بس اسمحيلي واعذرني اقلك انت ضعيفه كلنا بنقول للموت اهلا بس مش بنروح ليه لازم تبقي قد جرحك ومفيش خساره مطلقه في الدنيا ده اخرجي منها بمكسب وعيشي وبكره احلى واجمل وحققي حلمك بايديك لان مفيش حد هيجيبه ليكي

mero moonlight يقول...

مين قال انها مش بتحاول تحقق حلمها بايدها
على فكره كل انسان مهما كان قوى بيمر بلحظات ضعف لان مش كل حاجه عايزينها بنحققها مش بايدنا بيبقى نصيب و كمان بيبقى معتمد على امور تانيه كتير جدا
نوع من مدركات للامور اللى حوالينا و لاننا لا نعلم الغيب لا ندرك ما سيحدث و لا ندرك ما فى نفوس الناس المحيطين بينا

Asmaa Amer يقول...

المشكلة دلوقتى مش فى القدرة المشكلة فى الارادة
أنا مبقتش عايزة حاجة منها خلاص
أنا اكتفيت منها

Dr/ walaa salah يقول...

ربنا يبعد عنك اي حزن يا حبيبتي

هوني على نفسك ربنا موجود وهو ارحم الراحمين

ايه يهمك من الدنيا طالما انك متواصله بعباداتك مع ربنا وبترضيه


يكفيكي رضا الخالق عز وجل

Ayoya Mohamed يقول...

ربنا يهون علينا كلنا يارب رحمتك

Asmaa Amer يقول...

ونعم بالله
أنت عندك حق يا دكتورة ولاء ، أهم حاجة في الدنيا رضا ربنا
وأدام الإنسان حاسس أنه مع ربنا يبقي ليه هيحتاج العباد