Pages

الخميس، 11 أغسطس 2011

مصرية وأفتخر


فاكرين من كام شهر كده أيام الثورة
كنت مرة بتفرج على التليفزيون وطلعت مذيعة تقول أننا شعب همجى و مسلوب الإرادة
وأن اللى فى الميدان دول شوية حرامية وناس عاطلة عن العمل
وقتها التليفزيون عرض مجموعة صور لشباب مصرى بيسرق شوية جزم وكراسى
من الأسواق التجارية الكبيرة زى كارفور وغيره
وقالت أننا لازم نقتدى بالدول الأوروبية ونعمل زيهم ونبطل همجية
أنا دلوقتى بقولها يا ترى هى شافت صور الشباب الإنجليزى
وهما بيسرقوا ويكسروا المحلات ؟؟؟؟؟
أنا مش بقول ان اللى عمله الشباب وقتها كان صح
أنا بس بقول انهم كانوا معذورين .....
احنا عذرنا كان الفقر والجوع والمرض والظلم 30 سنة
يا ترى هما عذرهم إية ؟ وبلدهم من أغنى الدول فى العالم
انا مش عاوزة اشمت فى حد ولا أعيب فى حد
بس بعد اللى بيحصل فى العالم كله
لازم كل مصرى يفتخر ببلده وبعروبته
أنا مصرية وأفتخر

هناك 4 تعليقات:

عرفة فاروق عبد لله يقول...

ليكى حق تفخرى بمصريتك

Diara El-Masry يقول...

مصــــــــــرية وأفتخر

εïз Semsema εïз يقول...

جمييل جدا .. مصرية وافتخر بردو :)

غير معرف يقول...

طبعا من حقك تفتخرى , انا كمان مصرية وافتخر