أحمد شوقي- اِختِلافُ النَهارِ وَاللَيلِ يُنسي

اِختِلافُ النَهارِ وَاللَيلِ يُنسي اِختِلافُ النَهارِ وَاللَيلِ يُنسي اُذكُرا لِيَ الصِبا وَأَيّامَ أُنسي وَصِفا لي مُلاوَةً مِن شَبابٍ صُوِّرَت مِن تَصَوُّراتٍ وَمَسِّ عصفتْ كالصَّبا اللعوبِ ومرّت سِنة ً حُلوة ً، ولذَّة ُ خَلْس وسلا مصرَ : هل سلا القلبُ عنها أَو أَسا جُرحَه الزمان المؤسّي؟ كلما مرّت الليالي عليه رقَّ ، والعهدُ في الليالي تقسِّي مُستَطارٌ إذا البواخِرُ رنَّتْ أَولَ الليلِ، أَو عَوَتْ بعد جَرْس راهبٌ في الضلوع للسفنِ فَطْن كلما ثُرْنَ شاعَهن بنَقسْ يا ابنة َ اليمِّ ، ما أبوكِ بخيلٌ ما له مولع بمنع وحبس أَحرامٌ عَلى بَلابِلِهِ الدَو حُ حَلالٌ لِلطَيرِ مِن كُلِّ جِنسِ كُلُّ دارٍ أَحَقُّ بِالأَهلِ إِلّا في خَبيثٍ مِنَ المَذاهِبِ رِجسِ نَفسي مِرجَلٌ وَقَلبي شِراعٌ بِهِما في الدُموعِ سيري وَأَرسي وَاِجعَلي وَجهَكِ الفَنارَ وَمَجرا كِ يَدَ الثَغرِ بَينَ رَملٍ وَمَكسِ وَطَني لَو شُغِلتُ بِالخُلدِ عَنهُ نازَعَتني إِلَيهِ في الخُلدِ نَفسي وَهَفا بِالفُؤادِ في سَلسَبيلٍ ظَمَأٌ لِلسَوادِ مِن عَينِ شَمسِ شَهِدَ اللَهُ لَم يَغِب عَن جُفوني شَخصُهُ ساعَةً وَلَم يَخلُ حِسّي يُصبِحُ الفِكرُ وَالمَسَلَّةُ نادي هِ وَبِالسَرحَةِ الزَكِيَّةِ يُمسي

تذكروا غزوة بنى قينقاع ...

ممكن تتعبوا شوية وتقروا الموضوع للآخر وتقولولى رأيكم بصراحة

شهد شارع الأقصر بمنطقة إمبابة تبادلاً لإطلاق النار بين مجموعات من السلفيين ومواطنين أقباط، مساء أمس، بعدما تجمهر العشرات من السلفيين أمام كنيسة مارمينا، واتهموا القائمين عليها باحتجاز فتاة أشهرت إسلامها. وأفادت التحريات الأولية وأقوال شهود العيان بأن شائعات ترددت عن قيام إحدى الفتيات المسيحيات بإشهار إسلامها، وأن الكنيسة منعتها من الخروج واحتجزتها.

وتظاهر المئات من أهالى إمبابة أمام الكنيسة معلنين رفضهم الفتنة الطائفية وهتفوا: «مسلم مسيحى.. إيد واحدة».

وقامت قوات الشرطة بإطلاق القنابل الم

سيلة للدموع لتفريق المتظاهرين.

وانتشرت قوات الجيش بكثافة وحاولت تفريق المتواجدين بشارع الأقصر والشوارع الجانبية ومنع الاعتداء على كنيسة مارمينا.

وقال اللواء منصور عيسوى، وزير الداخلية، فى تصريحات خاصة لـ«المصرى اليوم»، إن عدد القتلى فى الاشتباكات بإمبابة وصل إلى ٤ والمصابين إلى ٣٥ مسلماً وقبطياً.

وأوضح أن ما يقرب من ٣ آلاف سلفى ظلوا موجودين أمام كنيسة مار مينا حتى الحادية عشرة من مساء أمس، وأنهم يحاولون اقتحام الكنيسة إلا أن القيادات الأمنية بالتنسيق مع القوات المسلحة تحاول منعهم من اقتحامها.

وأضاف «عيسوى» أن حقيقة الواقعة هى ارتباط شاب مسلم من

منطقة ساحل سليم بأسيوط بفتاة تدعى «عبير طلعت خيرى من كفر شحاتة بمركز ساحل سليم جنوب شرق أسيوط أشهرت إسلامها قبل 7 أشهر، عن طريق أحد الأفراد فى مشيخة الأزهر، وغيرت اسمها إلى أسماء محمد أحمد إبراهيم، وكانت برعاية "يس ثابت"، الذى ساعدها فى إشهار إسلامها» منذ ٦ أشهر، وأنه تزوجها وكان يقيم معها فى مدينة بنها، وأنها هربت منه ثم تلقى اتصالاً هاتفياً يوم ٣ مايو الجارى أفاد بأن زوجته محتجزة داخل أحد المبانى فى منطقة إمبابة خلف كنيسة مار مينا بالمنيرة الغربية، مما دفعه للاتصال بالجماعات السلفية وحاولوا اقتحام مبنى الكنيسة.

بإختصار كده :

الاخوة المسيحين شايفين ان السلفيين غلطانين وانهم اتعدوا حدودهم وعملوا مظاهرة واشتكوا فيها من تصرفات السلفيين وكان شعارها ( يا سلفى يا ابو سواك . أمن الدولة كانت لامك).

الاخوة السلفيين شايفين انهم بينقذوا بنت مسلمة اتخطفت من بيت زوجها المسلم ... جوزها اللى استغاث بيهم علشان يساعدوه .... والرجالة عملت اللى عليها.

مش عارفة انتم هتشوفونى متعصبة ولا لا , او هتشوفونى واحدة من اللى عايزين يعملوا فتنة فى البلد

بس أنا رأى اللى مش لازم اى حد ينساه أو ينكره ان البنت دى اسلمت وبقت واحدة مننا بغض النظر عن كونها كانت مسيحية او يهودية او حتى بوذية .

واجبنا تجاه ديننا اننا نحمى كل من رفع راية لا إله إلا الله محمد رسول الله .

مش معقول نتخلى عنها ونسيبها ليهم يعذبوها . هما بيطالبوا بالحرية ( خلاص يسيبوها تختار دينها براحتها )

انا مش بنكر ان مش مفروض يحصل عنف او قتل او تطرف.

واننا لازم نكون ايد واحدة وقلب واحد

بس لا .... لو وصل الأمر للدين والعرض والنساء يبقى لازم نفتكر كلنا قصة (وااااااااااامعتصماه )

فى ناس هتقول بلاش عنف وخلينا نتعامل بالسلم وانا هقولهم انا معاكم بس هسألهم يا ترى فاكرين غزوة بنى قينقاع؟

يا ترى فاكرين ليه الرسول ( صلى الله عليه وسلم ) طرد اليهود من المدينة ؟؟

وكان سبب الغزوة لما حدث لتلك المرأة المسلمة زوج أحد المسلمين الأنصار، التي كانت في السوق فقصدت أحد الصاغة اليهود لشراء حلي لها، وأثناء وجودها في محل ذلك الصائغ اليهودي، حاول بعض المستهترين من شباب اليهود رفع حجابها والحديث إليها، فامتنعت وأنهته. فقام صاحب المحل الصائغ اليهودي بربط طرف ثوبها وعقده إلى ظهرها، فلما وقفت ارتفع ثوبها وانكشف جسدها. فاخذ اليهود يضحكون منها ويتندرون عليها فصاحت تستنجد من يعينها عليهم. فتقدم رجل مسلم شهم رأى ما حدث لها، فهجم على اليهودي فقتله، ولما حاول منعهم عنها وإخراجها من بينهم تكاثر عليه اليهود وقتلوه

تفتكروا فعلا أن السلفيين غلطانين ومتعصبين علشان حاولوا يستروا مسلمة ويصونوا عرضها ؟

صلاح جاهين – ابن الشعب الضاحك

أنا اترددت كتير أوى قبل ما نشر البوست دا , بس بتمنى أنه يعجبكم

أنا اخترت الوقت دا علشان انشره لأن ذكرى وفاته خلاص قربت

انا حبيت اعرضلكم نيذة عن حياة الشاعر صلاح جاهين

ومجموعة من أهم قصايده (او بمعنى اصح القصائد اللى أنا بحبهاله أوى )

محمد صلاح الدين بهجت أحمد حلمي، المشهور بـصلاح جاهين

(25 ديسمبر 1930 - 21 إبريل 1986 م) شاعر ورسام وممثل مصرى يساري الفكر.

ولد في شارع جميل باشا في شبرا. كان والده المستشار بهجت حلمي يعمل في السلك القضائي

درس الفنون الجميلة ولكنه لم يكملها حيث درس الحقوق.

و من قصائدة المميزة قصيدة على اسم مصر وأيضا قصيدة تراب دخا

ن اللتى الفها بمناسبة نكسة يونيو 1967. وكان مؤلف أوبريت الليلة الكبيرة أشهر أوبريت للعرائس في مصر.

كما أرتبط بعلاقة قوية مع الفنانة سعاد حسنى

تفوق صلاح جاهين على نفسه في مجال رسم الكاريكاتير حيث كان كاريكاتير صلاح جاهين أقوى من أي مقال صحفى

ولم يستطع أحد ملء هذا الفراغ حتى اليوم بنفس مستوى جاهين الذي يتميز بخفة الدم المصرية الخالصة.

وللمزيد دا لينك الموقع الرسمى لصلاح جاهين :

موقع صلاح جاهين

الدنيا أوده كـــــــبيره للانتظار

فيها ابن أدم زيه زي الحـــمار

الهم واحد .. و الملل مشـترك

و مفيش حمار بيحاول الانتـحار

عجبي !!

* * * * * * * * * *

أيوب رماه البين بكل العــلل

سبع سنين مرضان وعنده شلل

الصــبر طيب .. صبر أيوب شفاه

بس الأكـــــاده مات بفعل الملل

عجبي !!!

* * * * * * * * * *

يا طير يا عالي فى الســما طظ فيك

ما تفتكرشي ربنا مصطـــــفيك

برضــــك بتاكل دود و للطين تعًًًًودً

تمـــص فيه يا حــلو .. و يمص فيك

عجبي !!!

* * * * * * * * *

كروان جريح مضروب شعاع م القمر

سقط من السموات فؤاده انكســـر

جريت عليه قطه علشان تبلعـــه

أتاريه خيال شعراء و مالهــوش أثر

عجبى !!!

* * * * * * * * *

يا باب يا مقفول ... إمتى الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

* * * * * * * * *

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و لا الحياه ؟

عجبي !!!

* * * * * * * * *

إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبى !!!

* * * * * * * * *

ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!

* * * * * * * * *

ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!!

* * * * * * * * *

سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!!

* * * * * * * * *

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

* * * * * * * * *

عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبى !!!

* * * * * * * * *

ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!

* * * * * * * * *

نوح راح لحاله والطوفان استمر

مركبنا تايهه ولسه مش لاقيه بر

اه م الطوفان واهين عليك يا بر

ازاي تقدر تبان والدنيا غرقانه شر

عجبي !!!

* * * * * * * *

ينبوع و في الحواديت أنا سمعت عنه

إنه عجيب .. وفوسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!

* * * * * * * * *

شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!

* * * * * * * * *

إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!

* * * * * * * * *

الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!

* * * * * * * * *

السم لو كان في الدوا منين يضر ؟

و الموت لوعدونا .. منين يسر؟

حط القلم في الحبر و اكتب كمان

.. و العبد للشهوات .. منين هو حر؟

عجبي !!!

* * * * * * * * *

إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!

* * * * * * * * * *

سمعت نقطة ميه جوه المحيـط

بتقول لنقطه ما تنزليش في الغويط

أخاف عليكي م الغرق .. قلت أنا

ده اللي يخاف م الوعد يبقي عبيط

عجبي !!!

* * * * * * * * *

كرباج سعاده وقلبي منه انجلد

رمح كأنه حصان و لف البلد

و رجع لي نص الليل و سألني .. ليه

خجلان تقول انك سعيد يا ولد

عجبي !!!

* * * * * * * * * * * * *

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

اتمنى ماكونش طولت عليكم ويكون الموضوع عجبكم

حماقة قلب

عفواً ..... اعذرنى كنت مغفلة

عفواً لغبائى المتأصل فى قلبى

عفواً اعذرنى ........

فأنا حمقاء مسكينة اعياها الحب

اعذر قلباً شاباُ ظن للحظة

ان بداخلك ينبض قلب

اغفر حماقة طفلة عاشت

تؤمن أن العشق ليس بذنب

طفلة رأتك بطلاً جسوراً

بمقدوره إنهاء الحرب

سامحنى لأنى لم اعرف

فرقا بين الصدق والكذب

عفواً .... اعذرغبائى

ظننتك واقع فى الحب

رأيتك ليل نهار تحلم بى

وترانى معك بكل درب

رأيتك حينها حملاً ضعيفاً

ولم ادرى انك أخبث ذئب

ياااااااااا لغبائى .. اعذرنى

فأولى علامات التوبة

انى ندمت على الذنب

اعذرنى يا رجل آمن بمحمد

والتمس لأخيك سبعين عذر

وأخيرا سقط القناع ....

عندما يخدعك شخص ما فهذا أمر عادى يدل على انعدام أخلاق هذا الشخص

ولكن عندما يعيد خداعك من جديد واضعا قناع الندم فهذا يدل على وقاحته

أما أن يخدعك مجددا مرات ومرات , فبالتأكيد هذا دليل على حماقتك وغبائك

أن يرتدى القناع هذا أمر مقبول ولكن ان يعيد إرتدائه من جديد

هذا أمر مثير للشفقة بل وللإشمئزاز كذلك

عندما ترى الدموع تنهمر من عينيه وهو يصرخ من شدة الألم

وللحظة تشعر بغصة فى صدرك , وتتمنى لو تلتقطه بين ذراعيك

ولكنك ما تلبث أن ترى سكين الغدر تلمع فى يده

حينها فقط تتمنى لو تلتقطها لتطعنه أنت بها

تتمنى لو لم تعرفه من قبل , تتمنى لو لم تسامحه من قبل

تتمنى لو لم تكن أنت أنت من قبل

تشعر وكأن حياتك تنهار وكأن كل ما حولك يتساقط

أحلامك وآمالك كلها تتساقط كأوراق الخريف

وتحلم بقدوم الربيع حتى تنبت أوراق غيرها

حتى تنبت أحلام وأمال جديدة تخرجك من دائرة الندم

لكنه لا يأتى أبدا .....

ربيعك يأبى القدوم

وشمسك تأبى الشروق

حياتك ترفض الخضوع

تتمنى لو كنت جماد لا يشعر

تتمنى لو أمكنك ان تكون مثله وأن تخدعه كما خدعك

ولكن ماذا عن مبادئك ؟هل ستضرب بها عرض الحائط؟

هل ستنتظره حتى يعود واضعا القناع من جديد؟

هل ستعاود إرتداء القناع كما فعل هو ؟

هل ستكون أنت كما أنت أم ستكون هو؟

عريس أخر زمن

مش هتصدقوا

امبارح جالى عريس

( طبعا أنتم عارفيين العريس فى زمننا دا يعنى اية ؟)

والعريس كان لقطة وفيه كل المواصفات اللى تتمناها أى بنت

مهندس و غنى (بصراحة معندوش عربية بس ناوى يجيبها قريب )

وطويل وأبيض وعينه خضراء وشعره أصفر

من الآخر كده مفيهوش غلطة

لما جه عندنا كان هادى وخجول بس كان بيبص من تحت لتحت

(طبعا البنات كلها عارفة النظرة دى)

عدت أول 5 دقايق وهو ساكت ومامته هى اللى بتتكلم - قلت معلش يمكن بيتكسف

وبعد أول خمس دقايق بدأ ينطق ويتكلم - قلت الحمد لله أخيرا فرجت

وبعد 5 دقايق تانية قعد وحط رجل على رجل فى وشى - مش مشكلة أهو هيبقى جوزى

شوية وطلب حلبة ( أصله مابيحبش الساقع )- مافيهاش حاجة اعتبرنا زى أهله

ومع الحلبة كان بياكل الجاتوه (بايديه الاتنين)- قلت عادى خليه على طبيعته

طلع معندوش شقة ومش معاه فلوس يشترى - قلت وماله عش العصفورة يكفينا

قال أن الذهب غالى ومن السفه أننا نضيع فلوسنا عليه - ما شاء الله الراجل مدبر

قالى انه اتجوز قبل كده مرتين (دا غير اللى كان مصاحبهم )- الواد طلع خبرة

قالى انه دخل السجن مرة فى حادثة تحرش - قلت ياما فى الحبس مظاليم

قالى أنه ساب الشغل وأن ابوه اللى هيسرف علينا - يا سلام فعلا أسرة مترابطة

قالى أنه ناوى يتجوز عليا بعد شهر العسل على طول - الواد وطنى وبيحل أزمة العنوسة

بعد شوية مسك ايدى وقالى أنتى اللى بحلم بيها - قولتله الله عليك يا سيدى

وفجأة جاله تليفون خاص شوية ( دخل اوضة النوم علشام يرد )- قلت خلاص البيت بيته

تعب شوية من الوقفة وهو بيتكلم قعد وريح على السرير-عادى يا جماعة الراجل تعبان ولازم يستريح

وخلص مكالمته ورجع وأنا بتأمله وبفكر فى اللى حصل

لقيت كل دى حاجات عادية وتافهة ومش لازم نقف عندها

كله يهون فى سبيل عنيه الخضراء وشعره الأصفر

وفجأة لمحته وهو بيدخله فى جيبه , شفته بعيني

الناس تقول عليا اية ؟

هبص لنفسى ازاى فى المراية بعد كده

دى كارثة بكل ما تحتويه الكلمة من معانى

موبايله طلع موتوريلا ( أبو اريل ) , وأنا بتاعى نوكيا e66

يعنى صعب نتفاهم , طلع مش من قاعدتى الفكرية

مش معقول , أنا أسماء على أخر الزمن أبقى مرات أبو اريل

وللأسف رفضته مع أن والله الواد ماكنش يتعيب

مكالمة منتصف الليل

دقت الساعة فى منزلنا الخالى معلنة الثالثة بعد منتصف الليل
دقت الساعة بصوت خافت وكأنها ترجف من برودة الليل فى هذ المنزل الكبير
الخالى من الحياة .
ومع الصوت الخافت للساعة علا صوت آخر
كان صوت الهاتف
كان صوته يخرق صمت الليل كسهام حادة
استمر الصوت طويلا
شعرت بالصوت يتردد فى أرجاء الغرفة
وكأنها تتوسل أن أجيب وارحمها من هذا النداء
استيقظت من نومى وتحركت لتلك الآلة الصغيرة المزعجة
كانت قدماى بالكاد تتحرك وجفونى اثقلها التعب
وأخيرا وصلت للهاتف ورفعت السماعة بهدوء
وسمعت من الطرف الآخر صراخ وعويل
كانت صرخات مكتومة وكأن صاحبتها لا تقوى على التأوه
لم افهم شيئا من الكلمات ولكنى ميزت الصوت
صوت صديقتى تصرخ
حاولت جاهدة ان اهدأ من روعها ولكنى فشلت
حاولت ان افهم ما تقوله ولكن دون جدوى
وبعد دقائق من الصراخ بدأ الصوت يهدأ
واصبحت الكلمات مفهومة
الا أنها كانت كلمة واحدة , كلمة ظلت ترددها كثيرا
مات مات مات
شعرت بالأرض تهتز تحت أقدامى
انه هذا الشعور الأحمق بالألم والفراق
كنت اسمع صراخها يلتف من حولى
ولم تمر ثوانى حتى انهمرت دموعى
وتوقف بى الزمن للحظات وتوقف عقلى عن التفكير
وللحظة لم أشعر بما يحدث من حولى
يا الله ماذا حدث ؟ وكيف حدث ؟
عصفت التساؤلات بعقلى وشغلت كل تفكيرى
حتى انى اغلقت الهاتف دون ان اسألها من الذى مات؟؟؟؟

ماتحلمشي...........

مستنى اية ؟ امشى

الحلم مانفعشى

فوق من خيالك فوق

انسى بقى وامشى

اقفل على قلبك كفاية تجرحه

وتعلقه بحبال أمانى تطوحه

من النهاردة الحلم مش هيفرحه

أرجوك ماتحلمشى

ماتحلمشى

ااااااا